رسالة الى كل شاب .... عايز يبقى جامد هههههههههههههههههه ؟؟؟

ازيك يا صديقى

عايز البنات تعجب بيك ؟؟؟

هقولك انا بقى تعمل ايه بس نضفلى ودانك واسمعنى كويس يا ... يا اخى

اول حاجة اديها موضوعات اسلاميه ودعويه وخليك الواد المحترم اللى بتتكلم فى الدين

تانى حاجة كل ماتشوف موضوع تقيل ومجعلظ وباين عليه انه موضوع مهم دخل على طووووول وتسيب تعليق ... ولو مافهمتش من الموضوع حاجة ومش عايز شكلك يبقى بايخ اكتب التعليق ده ..

(( حقا يا اخى موضوعك اثارنى وقرأته مرة واتنين وتلاته ... واتمنى ان يستوعبه الجميع وان يدرك الكل ابعاده الحقيقيه ))

ايه رايك ؟؟ كام كلمة فى الجون اهم وتخلى شكلك مثقف وفاهم

المهم ...

نصيحة تانى بقى مهمة

اى مشكلة تحصل بقى او اى ختلاف تدخل وتقول كل (( اللى المفروض انه يتقال )) واوعى اوعى اوعى تتكلم بطبيعتك ... خليك دايما ابو مخ كبير يا صاحبى علشان البنات تكلمك وهى مطمنه انك (( زى اخوها )) او انك (( انسان محترم ))

حاجة تانى مهمة جدا .... لو مثلا بتشرب سجاير او مخدرات اوعى طبعا تقول كده ... بالعكس كل ما تلاقىى موضوع بيحث على ترك التدخين ادخل على طول والعن سلسفيل التدخين ... وهات شويه صور للرئه بعد التدخين ... واختم ردك بدعوة شيك كده ان اللى بيدخن يتوب ويرجع ويبطل يدمر نفسه ...(( خليك واد مثالى ))

حاجة تانى .... فى هنا عضو غصبن عنك اثبت انه فعلا عضو محترم وهو اسمه (( اناميجو )) ... ادخل كل موضوعاته ... ولو حسيت انك فعلا مش ففاهم قصده ... اعمل فيها فاهم ... وارمى كام كلمة كده ال يعنى فاهم ... وحاول بقى يا معلم تحسس اى حد يقرى ردك انك يا اما فاهم قوى .. يا اما مختلف معاه ... مختلف فايه ؟؟ مش مهم .. المهم انك تبقى مختلف وخلاااااااااااااااااااااااص ..

وكمان كل ما تتكلم مع بنت فى المنتدى قولها (( يا اختى يا اختى يا اختى )) يمكن تصدق وتنسى ان مافيش حاجة اسمها اصلا صداقة حقيقيه او اخوة بالكتابه وبس ..

وبعدين خليك تقيل واوعى تتدلق .... واى بنت فى المنتدى تكتب موضوع ادخلها وانقد موضوعها بس بكل ادب ... يااما تشجعها وتزودها شويتين فى التشجيع ,,, على حسب البنت بقى ..

لو كانت عنيدة وشخصيتها قويه عليك وعلى الاختلاف معها ولكن بادب وزوق

وان كانت بنت بريئه يا عينى وداخلة المنتدى تنفس شويه من حبستها والكبت اللى هى فيه عليك وعلى التشجيع المستمر وزى ما بيقولو (( الزن على الودان ... امر من السحر ))

حاجة كمان .... تعمد انك دايما تعمل اختلافات مع الناس اللى تلاقيها فى المنتدى موضوعاتها كبيرة وابتدى الاعضاء يهتموا بموضوعاتهم ...,,, واول ما تحصل مشكلة لازم لازم لازم تحكيها بكل تفاصيلها لاى بنت بتكلمها يا معلم .. وتشهد عليها طوب لارض ... وتخليها حديث المدينه ,,

من الاخر اعمل شهيييييييد واعمل بطل على قفا الزبون اللى مختلف معاك ... وبلاش تواجهه ... اشتغل من تحت لتحت واكسب عطفهن يا باشا ,,,,

حاجة تانى .. يوسف وهبى الله يغفرله ويرحمه قال فى فيلم اشاعة حب كلمتين حلوين قوى لعمر لشريف

قالو ان البنت عامله زى (( الكوستاليتا اللوز )) لازم تغازلها وتزغزغ ودانها ببيتين شعر ...

علشان كده خليك رقيق على قد ما تقدر ... لاقيتها عايزة الرومانسيه عليك وعلى جوجل وهاتك يا شعر ... لاقيتها مثقفة عليك برضو وعلى جوجل وهاتك يا نقل .... لاقيتها ظريفة ... اعملها بلياتشو ... المهم ... خليها تاخد بالها منك ...

كمان اول ما تحس ان اهميتك بالنسبه للناس قلت ... هووووووووووووب شد موضوع جديد ... وانسحب من المنتدى واتمنالنا كل التوفيق والسعادة ...

استنى ماتخافش انتا مش هتنسحب ولا حاجة ... لانك هتلاقى كلو دخل واتحايل عليك ... وقتها ارجع بناء على طلب الجماهير ... واكسب لنفسك نقطة قوة جديدة ...

هاااااااااااااااااااااااااااااااااااوم ... انا نعست ...

معلش بقى هسيبك دلوقتى ... وماتنساش نصايحى دى ... علشان تبقى انسان مميز بجد يا واد وتبقى محط انظار الكل وتبقى (( شخصيه محترمة وزى اخو البنات كلها ))

وخليك فاكر حاجة مهمة قو قوى قوى قوى ...

كل شويه بتلاقى واد من الجماعه الملتزمين دول كاتب موضوع محرم فيه المراسلات بن الولاد والبنات .... وجايب مليون دليل ان اى علاقة بين ولد وبنت بالشا او المرسلة حرام ,,

لما تلاقى الموضوع ده ادخل وقوله معاك حق ... واشكرره ..

واعمله كده >>>

ولما تقابلها على الماسنجر غلوش على الموضوع على قد ما تقدر ... ولو ه واجهتك وقالتلك ده حرام مثلا وانتا كاتب فى الموضوع انك موافق ... قولها اى فيلم ..

احنا اخوات ,,, انا بحترمك والله جدا جدا ... اعمل اى فيلم بقى من اللى انتا وهى عارفينهم دول ... وماتقلقش هى هتصدق وتعمل مقتنعه

وتبقى كسبت انك فى المنتدى راجل محترم وملتزم وبتنكر اى علاقة غير شرعيه .. وفى نفس الوقت يا معلم ..ههههههههههههههههههههههههههههههههههههه

انا مش عايز اتكلم تانى .... قولتلك انى نعساااااااااااان

هسيبك بقى دلوقتى ....

وانتظر الجزء الثنى اللى هوجه فيه برضو شويه نصايح للبنات ,,,,

ابقى اقراها ... ...

وصدقنى ....

الطريق اللى انا رسمتهولك ده هواقرب طريق انك تكون انسان ......... (( لا تعليق

» رسالة الى كل شاب .... عايز يبقى جامد هههههههههههههههههه ؟؟؟
» لو لفلك عالى و عايز دى بى خش من غير تعب
» طريقة ارسال اكثر من 1000 رسالة كول مي في اليوم